IVatican ikhipha isitatimende esisemthethweni ngomshado wobulili obufanayo

IVatican ikhipha isitatimende esisemthethweni ngomshado wobulili obufanayo 

ISonto LamaKatolika alivunyelwe ukubusisa umshado wobulili obufanayo ngoba uNkulunkulu “akasibusisi isono futhi iVatican ayikwazi ukusibusisa”...ngokusho kweVatican, esitatimendeni esigunyazwe uPapa.

Ihhovisi leVatican, i-Congregation for the Doctrine of the Faith, likhiphe isitatimende esisemthethweni ngoMsombuluko lapho liphendula umbuzo wokuthi abefundisi bamaKhatholika bangazibusisa yini izinyunyana zezitabane.

Impendulo ithi cha, ngoba iVatican ithi ubuKatolika bufundisa ukuthi umshado uyisibopho sokuphila konke phakathi kwendoda nowesifazane ngenjongo yokudala ukuphila okusha.

Lo mthetho ubonakala unezinhlangothi ezimbili... uma kubhekwa ukuthi iVatican ithi izitabane kufanele ziphathwe ngesizotha nangenhlonipho, futhi iBandla lingaqhubeka nokubusisa ongqingili...njengabo bonke abantu.

Eminyakeni yakamuva, uPapa uFrancis uye wabamba izihloko zezindaba ngokusekela kwakhe amalungelo ezitabane ngisho nokuvikela okusemthethweni kwabathandana nabobulili obufanayo - kodwa umthwalo uyama emshadweni.